ग्लोवल लघुवित्तको सहयोगमा प्रतिक्षालय

तुलसीपुर, अषाढ २८

तुलसीपुर–१६ कुरहरियामा नवनिर्मित प्रतिक्षालयको आज एक कार्यक्रमका विच उद्घाट्न गरिएको छ । ग्लोवल आइएमई लघुवित्त वित्तीय संस्थाको आर्थिक सहयोगमा उक्त प्रतिक्षालयको आज उद्घाट्न गरिएको हो । संस्थाले सामाजीक उत्तरदायित्व कार्यक्रम अन्र्तगत प्रतिक्षालय निर्माण गरेको बताइएको छ ।
ग्लोवल आइएमई लघुवित्त टरिगाउँ शाखाकी प्रमुख चेतना के.सी. को अध्यक्षता तथा तुलसीपुर उपमहानगरपालीका वडा नं. १६ का वडा अध्यक्ष शिवानन्द डि.सी. को प्रमुख आतिथ्यतामा उक्त उद्घाट्न कार्यक्रम सम्पन्न भएको थियो । 
संस्थाको कार्यक्रम अन्र्तगत केन्द्र नं. २९ की सदस्य वुनि चौधरीको स्वागत मन्तव्यवाट सुरु भएको कार्यक्रममा वडा नं. १६ का वडा सदस्य मोहन चौधरी, वडा नं. १२ को वडा सदस्य शेषमणी भण्डारी लगायतले वोल्नुभएको थियो । 
वडा नं. १६ को वडा सदस्य देववहादुर चौधरी लगायत स्थानीयवासीहरुको सहभागीता रहेको उक्त कार्यक्रमको सहजीकरण टरिगाउँ शाखाकी  कर्मचारी शर्मिला चौधरीले गर्नुभएको थियो। भने टरिगाउँ शाखाको कर्मचारी तथा सो स्थानका स्थानीयवासी (केन्द्र नं. २९ का सदस्य) हरुको श्रमदानमा उक्त प्रतिक्षालयको निर्माण भएको वताइएको छ ।